المرجله ماهيب كلمة وتنقال
المرجله ماهيب كلمة وتنقال
المرجله ماهيب كلمة وتنقال
اذ المراجل لبسة شماغ وعقال
قل للعاذراي يلبسن العمايم
ماعد يفرق زول حرمه ورجال
دام الفعايل تشبه البعض دايم
المرجلة مهيب كلمة وتنقال
وتروح ماراحت هبوب النسايم
ولا خشونة صوت او رفع الاثقال
او رزة صدور وفعل الزلا يم
ولاهي بعد مفتح موتر وجوال
الاردى لسانن حديثه شتايم
المرجلة شيمه عن القيل والقال
رفيع نفسن حر باجوحايم
المرجلة وزن وزنه جبال
ودون العقل وش فرقنا عن البهايم
يامسندي لومايل الوقت بي مال
ياولد ابويه ياعظيم العازيم
يامعرب الجدين من العم والخال
يانخوة المفزوع وقت الهزيم
المرجلة ياخوي هي طولة البال
هي العزم هي الصبر فالظلايم
فيها الكرم عزه ودله فنجال
فيها الكرامه عن
ردى الطبع الشايم
والدين لامنه خذا القلب منزال
مشى طريق الحق وابليس نايم
ومن لاعرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيارها ياخوي نعم الغنايم
ولامن نصف ليلك قم صفي البال
ياعظم اجرك بين ساجد وقايم
ولامن رفع ربي له كل الاعمال
حسن الذكر لاقالو افلان صيام
وخلك شريف القصد ياطيب الفال
سوء المقاصد فالبيوت الهدايم
واحذر تبيع النفس في دب الانذال
وتتبع خوي ابليس راع النمايم
النفس خيل لك اذا كنت خيال
ومن لاقوى نفسه قوته الهزيم
ولاصرت ماتدري لوش انت رجال
والله خسارة فيك ذبح التمايم
موضوع: المرجله ماهيب كلمة وتنقال 
الأحد أبريل 22, 2012 9:47 pm