وحشني صوتك

وحشني صوتك



وحشني صوتك الدافئ بهمساته يلاعبني
يحرك داخلي المشتاق في لحظة حضورك





وحشني قلبك الصافي يعليني يسكني
يخفق نبض بشعور نابع من شعورك




وحشني ليلك البارد بطيوفك يسهرني
يغازل قمر فجري يعانق صدى نورك



وحشني حبك الوافي بروعاته يرعشني
معود شوقي الوقاد كل ليلة يزورك



وحشني بحرك الهايج يرسيني يغرقني
لاحطم موجك إحساسي تبنيني صخورك



وحشني شوفك المعتاد ياروح فيني ومني
عقبك أنا وحيـــد ه ولا أحدن يقوم دورك



وحشني زعلك الخافي وخضوعي يفضحني
و ما ألوم نفسي لاساقـــت رآيك وشورك



وحشني عذرك الشافي بتعابيرك تقنعني
تهبل كل ما أزعل تراضينـــــــــي عذورك



وحشني صمتك الجارح يعذبني حيل يحرقني
لاعانق صمتــــــــــي وحطم داخلي غرورك



وحشني إحساسك الغاير صدى شوقه يتعبني
يراضيني مدى عدلك يعذبني صدى جورك



وحشني حضنك الدافئ لا رعش كلي عانقني
يحسسني كثر حبك يدفيني بدفا شـــعورك


وحشني شوقك وهم وحشني وكم وحشني