(ياجاهل بالزين ،،،،غسل مواعين)؟&

(ياجاهل بالزين غسل مواعين) قصيده ومناسبه
بعض المراهقين وبعض ناقصي العقول انبهروا بالجمال المزيف جمال (لميس) الممثله التركيه وتناسوا الجمال العربي الذي تغنى به امرؤ القيس وعنتره ابن شداد وقيس ابن الملوح والعديد من الشعراء وهذه الابيات ارد بها على من ابهرتهم اللوان المكياج ونسوا جمال البنات السعوديات الذي اذهل كل من شافه .

(ياجاهل في الزين غسل مواعين)


مسكـين مـن غـره جـمال التلاويـن = ما هوب يميز بين فرق الجميلات

يحسب جمال البنت بقصر الفساتين = يظـن حسنها في الكعوب الرفيعات

يوم شاف لميس دخل بصف المجانين = اللي عقولهم في المواقف سخيفات

يمـدح حسـنها والحسـن له مـوازيـن = ما هـيب الـوان وشـطحـة مـوديـلات

يا جـاهـل في الـزين غسـل مـواعـين = منتب كفـو توصل عراقـيب خـفـرات

اهـل الشرف والطيب زهور الافـانيـن = بنـاتنا اللي بالحسن مثـل شــمعـات

لين اقـبلن غـارت غصـون الرياحـين = ما هـن اعـجـام ولا فــروخ بـاشـــات

معـربـات اصـل ولا هـن بتهجــين = فيهـن جـمـال الـرب حـكـمـه وايــات

الخشـم سـيف والنحـر كامـل الـزيـن = والعـنق عـنق الريم في وسـط غـابات

والعـين مثل عـيون بيض الشـياهين = واللون خمـري مـا غـزتـه الـدهـانـات

ولا تعـرض يـوم لشـمس الميـادين = جـمـب البحـر يطـلب جـمال العـفيفـات

اللي هـدبهـن مثـل سـهـام مسانيـن = مـن صـابتـه ترمـيه بحـوض المـنيـات

قوامهن ممشـوق ظـراف رشـيقين = والقـد مـيـاس مثـل غصـن مـوزات

تمـايـلـت بالحسـن وسـط البسـاتين = والخـصـر نـاحـل مـا يبـي لـه مشـدات

صـورهن رب الكون بـاجمل تفانين = بين حسـنهن واللي سـواهن مسافات

خفـرات يمشن مثل مشي الاصيلين = ماهــن عـلى درب الرذيله معسوفات [strike]