على كثر القصيد وكثر ماجاب الخيال أفكار
تعبت ومالقيت الا ثمان أشياء تشبه لك
نور الشمس.... لون الغيم...
طهر الماء.... وصمت النار...
لين الورد... وفجر العيد...
مـــــــلك.... وأنسان يأسهلك...
أذا كان العنا رحله بأسميك آخر المشوار
وأذا صار البخل عمري جزاي بسمتي مثلك
تجين أحلى من البشرى تغيبين وتشين الدار
هديه ياأهل الزمن جاتني من الله عن طريق أهلك
صحيح المدح لو يقدر يقوم بنفسه ويختار
غدى مثل عباد شمسآ لا لمح زولك تواجه لك
ضيا تسعين وشمس ورد وبدرآ ونجمتين كبار
أخاف أقول لغيرك وأظلمك والعز كله لك
غيوم وما يغيض النرجس الاضحكت النوار
وكل الكون لو يخلى فنا من زود حبه لك
طلبتي مجد أبوكي وجاك منهو زبنتا المنجار
أبو خيرين سماح الخطايا والعمر مده لك
أنا وش عاد أقول أن صرت في وسط الغرام أحبار
شعور مقدر ياصل سماك وقلت أزمه لك
وعلى كثر القصيد و ماقلنا من الاشعار
عجزت ومالقيت الا سموك بس يشبه لك
ــــــــــــــ
ولكم تحياتي..
موضوع: على كثر القصيد وكثر ماجاب الخيال افكار 
الإثنين أبريل 16, 2012 6:22 am
